ബെംഗളൂരു: കർണാടക സ്റ്റേറ്റ് റോഡ് ട്രാൻസ്പോർട്ട് കോർപ്പറേഷൻ, കോവിഡ്- 19 രണ്ടാം ഘട്ട ലോക്ക്ഡൗൺ കാരണം അന്തർ സംസ്ഥാന സർവിസുകൾ നിർത്തിവച്ചിരുന്നു. ലോക്ക്ഡൗൺ ഇളവ് ചെയ്തതിനാൽ, കെ.എസ്.ആർ.ടി.സി ബെംഗളൂരു, മൈസൂരു, മംഗളൂരു, പുത്തൂർ, എന്നിവിടങ്ങളിൽ നിന്ന് 12-07-2021 മുതൽ കേരളത്തിലെ വിവിധ ജില്ലകളിലേക്ക് ബസ് സർവിസുകൾ പുനരാരംഭിക്കും.
കെ.എസ്.ആർ.ടി.സി ബസുകളിൽ കേരളത്തിൽ നിന്ന് കർണാടകയിലേക്ക് യാത്ര ചെയ്യുന്നവർ 72 മണിക്കൂറിൽ കൂടുതലല്ലാത്ത കോവിഡ് നെഗറ്റീവ് ടെസ്റ്റ് റിസൾട്ട് അല്ലെങ്കിൽ കുറഞ്ഞത് ഒരു ഡോസ് കോവിഡ്- 19 വാക്സിൻ സ്വീകരിച്ച വാക്സിനഷൻ സർട്ടിഫിക്കറ്റ് കൈവശം വെക്കേണ്ടതാണ്. കേരളത്തിൽ നിന്ന് കർണാടകയിലേക്ക് പഠനം, ജോലി, കച്ചവടം തുടങ്ങിയ ആവശ്യങ്ങൾക്കായി ദിവസേന വന്നു പോകുന്നവർ 15 ദിവസങ്ങൾ കൂടുമ്പോൾ ആർ.ടി.പി.സി.ആർ ടെസ്റ്റ് ചെയ്തു നെഗറ്റീവ് സർട്ടിഫിക്കറ്റ് കൈവശം വെക്കേണ്ടതാണ്. എല്ലാ യാത്രക്കാരും ഫെയ്സ് മാസ്ക് ധരിക്കേണ്ടത് നിർബന്ധമാണ്.
യാത്രക്കാർക്ക് ksrtc.karnataka.gov.in എന്ന വെബ്സൈറ്റിൽ നിന്നും മുൻകൂട്ടി ഓൺലൈനായി ടിക്കറ്റ് ബുക്ക് ചെയ്യാം. www.ksrtc.in അല്ലെങ്കിൽ കെഎസ്ആർടിസി / ഫ്രാഞ്ചൈസി അഡ്വാൻസ് റിസർവേഷൻ കൗണ്ടറുകൾ വഴി
മേൽപ്പറഞ്ഞ സൗകര്യങ്ങൾ ലഭ്യമാക്കാവുന്നതാണ്. കൂടുതൽ വിവരങ്ങൾക്ക് ബെംഗളൂരു കെ.എസ്.ആർ.ടി.സി കോൾ സെന്ററുമായി ബന്ധപ്പെടുക 080-26252625
